台灣ET鹽水雞 (符興街) (已結業)

以前去開台灣一定會逛夜市，行得夜市就會掃街當食晚餐。胡椒餅，大腸包小腸同鹽水雞呢啲當然係夜市必食item。數數手指，已經接近兩年無去過台灣。是日經過上水，見到呢間鹽水雞專門店，情不自禁係門口望咗陣。然後，決定買返屋企試下。叫咗個B餐，有半隻雞+3個配菜。分量係2-3人用。我分別叫咗豬耳，木耳同豆卜。配菜選擇亦都算多。而且店舖感覺乾淨同光猛。返到屋企急不及待打開嚟食。醬料好香。豬耳同木耳都好爽口，雞肉亦都非常之幼嫩。令我想起台灣嘅味道。