Bib n Hops (已結業)

外賣貼士: 週末下午，人流不多等10分鐘就有。週末早午餐有拆扣，抵食!今日輕遠足過後，唔想返屋企煮，又想輕食，見門外有早午餐供應，外賣仲要有拆，啱晒，結果我點咗個白松露菠菜pizza,連埋嘢飲，70幾蚊埋單。服務:從在門外八卦開始，侍應姐姐好好心機解答問題，全無黑口黑面。落咗單本來諗住轉頭攞，點知侍應姐姐問我會唔會入去等，更係入啦，又攰，又熱，又餓，有位坐即時話好呀!食物準備好，侍應姐姐又問要唔要外賣餐具，真係好好，夠環保!食物: 不過不失，個Pizza口味較淡，但有跟埋辣椒子做調味，上面的菜係新鮮嘅，美中不足係個批底唔夠脆，但係我要講明，由餐廳返家，大約二十分鐘，會唔會因為咁影響口感我唔知，但整體嚟講個pizza口感係鬆軟嘅，邊邊有啲脆。