串 (已結業)

呢家疫情嚴峻好多餐廳都無開，最近經過漆咸圍道，發現新開咗一間串燒店，咁當然要試試，餐廳營業時間由下午六點至凌晨兩點，各位夜遊人有口福喇。😍自己同朋友咩都想試，所以叫咗好多種類，另外仲有啲限定嘅食物會寫係個白板到。燒帆立貝每粒都好大粒，配上餐廳自家製嘅燒烤汁相當惹味 ; 蒜蓉大扇貝亦相當出色，蒜香味勁濃郁。招牌特製燒鱔柳超級好食，鱔柳完全無腥味，而且肉質細膩，外脆内嫩 ; 浦燒特級鰻魚啖啖肉。鹽燒厚砌牛脷睇落咁厚身以為會好韌，點知食落鬆化又入味，都幾有驚喜。另外牛筋丸、多春魚、豬頸肉同叉燒粒果啲都唔錯，牛筋丸肉味濃又無根 👍🏻 多春魚夠香口。