金子半之助 (東薈城名店倉)

營業中

休息中

呢幾日日係屋企食家常便飯，今日終於俾老媽子放行同胖侶出去食好西。皆因想行埋街，所以就選擇離商場十分近既一間壽司飯餐廳——金子半之助食野。間鋪門面黑金牌扁古色古香，雖然經歷過無情肺炎仍然算係生意唔錯。一入去左邊就已經見到幾位師傅好忙咁炮製新鮮天婦羅（由於保證新鮮滾熱辣所以所有壽司飯都係即叫即炸即整），右手邊至到入邊都係十分寬敞既座位。一入到去已經見到餐牌已經流曬口水，雖然定食只有三款，但係貴精不貴多，每種配塔都有各自特色係入面，而鰻魚控既我就理所當然點左熱門「江戶前天丼」啦。江戶前天丼主打大大條星鰻，星鰻係日本好常見，但香港就唔多，炸起上黎肉嫩鮮甜，食出魚油。除左星鰻，仲有側邊既海老、海苔、碗豆同溫泉蛋，再加上秘製天婦羅汁，就變成大熱既主打名菜！除左美味野食之外，員工亦都會係旁邊體貼地介紹食法，加上味道香濃既黑豆茶，變左壽司飯以外既最佳配搭。