Schnee German Restaurant (已結業)

銅鑼灣真係好多好野食，友人話想食豬手，當然要搵下有冇好食嘅德國餐廳。上網見到呢間d 相口水已經流曬😂原來餐廳要上一層，不過唔難搵。餐廳氣氛又幾好，點住燭光食飯，令到成件事好浪漫。咁前菜我地就叫左巴馬火腿哈蜜瓜，擺碟已經好靚，蜜瓜好清甜配埋鹹香嘅火腿，😂令我想食更多嘅野之後叫左兩個湯，我就飲左蕃茄海鮮清湯，裡面有蝦同帶子。 如果想飲濃味就可以try try 另一個湯匈牙利熱燉牛肉湯，蕃茄好濃，但唔會好主導成個湯嘅味，因為個湯有陣陣牛肉味。黎到我最愛大大隻嘅豬肘😍，佢原隻上比你影一影相，之後你可以叫佢幫你切。皮係脆卜卜，唔會過脆搞到你咬得好辛苦。肉質仲好嫩個種。估唔到係個薯角好好味，係用焗個種，唔會油膩。飲得酒就一定會叫啤酒送😭最衰聽日要番工另外一個推薦就係黑松露意大利介子雲吞，黑松露個量岩岩好，唔會搶左個忌廉味。加止有菠菜，佢creamy 得黎唔會好膩。雲吞入面有菠菜芝士做涵，食完一粒又有衝動食多粒。最後唔少得食個甜品，焗蘋果金寶伴雲呢拿汁，一塊塊蘋果係底，微微肉桂味，同蘋果一向都好夾。面頭個層甜甜地加蘋果個層酸酸甜甜。