一芳台灣水果茶 (已結業)

近排瘋狂咁飲一芳，呢個月已經係唔知第四定第五次啦! 而且每次經過，都會有種心癢癢想入去買返杯嚟嘆下。店舖環境舒適闊落，不過冇座位坐供等候，電子顯示屏擺放的位置容易見到。宜蘭金桔綠柑桔味好香。關西仙草茶好似食緊涼粉咁，茶味有少少苦。冬瓜檸檬露冬瓜味唔會淡口，有少少甜味，檸檬酸酸地，好夾。中華愛玉檸檬冇得揀熱，唯有走冰啦! 杯嘢好酸，裏面嗰啲啫喱好滑。差唔多飲夠十杯，吸滿張印花卡，吸滿咗十個印花就只係送一杯俾你咋!做緊叮噹推廣，所以印花要喺4月15號開始先至會補發返。