刈Bao台式創意小食 (已結業)

偶爾喺IG見到葵廣呢一間「刈Bao台式創意小食」，急不及待想搵日去會一會佢🤤 今日一食真係不得了，真係覺得食左嘅每一樣都好好食👍🏻👍🏻 之後經開葵芳一定要再食，亦都推介經常去葵廣搵食嘅朋友去呀～～💛💛1️⃣ 古早味腩肉刈包台式嘅刈包，同以前喺日本食過嘅角煮饅頭好相似，都係白饅頭夾住滷左嘅肉～ 個腩肉好腍好入味，調味一啲都唔會過鹹。而且加左啲菜脯、花生碎等等，食落真係唔會覺得油膩🙆🏻‍♀️🙆🏻‍♀️2️⃣ 綜合5號 (鹽酥雞，香芋地瓜球)鹽酥雞炸粉好薄，調味得宜，食起上黎唔油身👍🏻 香芋地瓜球，見到menu寫住「甜過你初戀」🤣🤣 係甜嘅，而且仲唔係死甜、假甜！😋3️⃣ 檸檬冬瓜茶😍😍 飲左第一啖，真係當堂叮左一聲！通常冬瓜茶都係好甜，呢杯唔會，可能係因為加左檸檬🍋 飲落係酸酸甜甜，配合得好好，無話邊個味道override左另一樣👍🏻 而且個冬瓜茶仲係舖頭自己煲，所以仲會飲到啲冬瓜肉添～