豊勝手丼 (已結業)

先講講個薄燒牛肉沙律，薄切嘅牛肉肉質不會太粗糙，咀嚼起上嚟唔會話太un，口感軟嫩不乾柴。沙律跟隨一碟沙律酸甜醋，加上醬料後令整碟餸帶點田園風味，作為前菜非常清新可口，食起來清爽冇負擔！接下來喺照燒牛舌，超厚實嘅牛舌片，睇得到餐廳份量完全唔小氣，牛舌經過師傅悉心炭烤後，能食得到牛舌外層脆口，舌芯又不失柔軟！另外，海之幸丼用料豐盛，有三文魚腩、甜赤蝦、吞拿魚、海膽、魚子等，刺身新鮮甜美，滿足曬我不同嘅口味！豐盛壽司盛合12貫亦相當出色，唔會太多飯粒搶咗海鮮刺身嘅風味。