The Point (已結業)

早幾日去左銅鑼灣登龍街覓食，呢條街可以話係銅記食街。經過轉角位時，見到一間叫The Point的西餐廳做緊優惠，格調又唔錯，咪入去試吓囉！我運氣還過得去，相中了4個字，今餐有八折呢！he he....樓底高空間感足，感覺自在，能讓人放鬆，連帶胃口都會好左。這客三文魚天使麵由經煙燻的三文魚，配上鮮味的魚子，再加埋跟白汁天使麵一齊煮的三文魚肉，賣相同味道都好㗎!棒棒雞很香脆惹味，很適合作小食或佐酒用。喜歡味濃的，可沾些燒烤醬。嘩! 呢個用上原隻軟殼蟹的pizza, 批底夠脆，面層用料足，芝士滿滿的。雖然沒有袋住間尺，但粗略估計，跟餐上所標示的11吋很是接近。