醉忘魚屋 (已結業)

登龍街不嬲好多野食，特別係永光中心食過幾次唔同樓上餐廳都印象幾好，呢間醉忘漁屋係日本料理，黎拍拖食好西好適合，不過今晚得一部電梯等左十分鐘先上到去餐廳。吞雲吐霧，比呢個菜名吸引左，除左菜名吸引，連個上菜形式都好特別，菜上黎到，服務員打開個蓋，有一堆煙走出黎，啲紫菜+芝士食落真係有陣煙燻味道，好正既前菜。另外，馬友一夜干都好好食，條魚煎到個皮好脆好香口，啲魚又一啲唔乾，仲好入味，我鍾意連埋啲蘿蔔蓉一齊食。