影片
更多
2020-06-07
78 瀏覽
成日都會喺銅鑼灣食飯嘅我地，登龍街絕對係首選，好多選擇！知道燈籠滷味都開左一段時間，但之前實在太多人排隊，夜晚好肚餓就冇乜耐性等。今日就因為放假，見到條龍亦唔算長，加上早餐食到好飽，見可以食啲小食（最低消費$30），就決定試試佢！排隊時有職員會派定餐牌，佢好我都好啦！睇完之後都係決定食個麵，好吸引呀！好似車仔麵咁，揀麵揀餸。排左15分鐘左右就入得！環境好乾淨舒服，我地坐樓上，舊廣告牌同霓虹燈好有氣氛，忍唔住係咁打咭！最重要係，佢一直播住好熟悉嘅國語歌，不斷諗起當年為之獨狂嘅台劇，好懷念！😍坐低左就落單喇～作為「粉絲」嘅粉絲，當然揀「冬粉（粉絲）（$10）」！仲揀左「大豆皮（$10）」、「玉米筍（$10）」、「鴨血（$10）」，好豐富！陳生就揀左「稻庭烏龍麵（$13）」、「豬耳（$12）」、「白蘿蔔（$9）」、「金針菇（$9）」，我地再加左份「台式香蒜腸（$26）」同埋「水蜜桃綠茶（$20）」。係呀明明話唔餓都係叫左咁多野食！（最後係食晒架！😆）因為影相嘅關係，影影下食物就到喇！滷汁好好味呀！唔會太咸，夾埋麵同餸啱啱好，但始終係撈埋唔係浸住，略嫌唔係好夠熱，而且當然有啲比較入味吸味嘅餸～
知道燈籠滷味都開左一段時間，但之前實在太多人排隊，夜晚好肚餓就冇乜耐性等。今日就因為放假，見到條龍亦唔算長，加上早餐食到好飽，見可以食啲小食（最低消費$30），就決定試試佢！
排隊時有職員會派定餐牌，佢好我都好啦！睇完之後都係決定食個麵，好吸引呀！好似車仔麵咁，揀麵揀餸。排左15分鐘左右就入得！環境好乾淨舒服，我地坐樓上，舊廣告牌同霓虹燈好有氣氛，忍唔住係咁打咭！最重要係，佢一直播住好熟悉嘅國語歌，不斷諗起當年為之獨狂嘅台劇，好懷念！😍
坐低左就落單喇～作為「粉絲」嘅粉絲，當然揀「冬粉（粉絲）（$10）」！仲揀左「大豆皮（$10）」、「玉米筍（$10）」、「鴨血（$10）」，好豐富！陳生就揀左「稻庭烏龍麵（$13）」、「豬耳（$12）」、「白蘿蔔（$9）」、「金針菇（$9）」，我地再加左份「台式香蒜腸（$26）」同埋「水蜜桃綠茶（$20）」。係呀明明話唔餓都係叫左咁多野食！（最後係食晒架！😆）
因為影相嘅關係，影影下食物就到喇！
冬粉、大豆皮、玉米筍、鴨血
$40
16 瀏覽
0 讚好
0 留言
台式香蒜腸
$26
21 瀏覽
0 讚好
0 留言
滷汁好好味呀！唔會太咸，夾埋麵同餸啱啱好，但始終係撈埋唔係浸住，略嫌唔係好夠熱，而且當然有啲比較入味吸味嘅餸～例如係好甜嘅「白蘿蔔」同薄薄嘅「大豆皮」，「冬粉」都係好吸到滷汁嘅味道！而「豬耳」亦好爽口又不失骨膠感～「玉米筍」同埋「鴨血」就相對唔夠入味。
「台式香蒜腸」有生蒜片夾埋切開嘅台灣腸一齊食，夠香夠甜！不過愛蒜之人當然又係會覺得可以一腸一蒜片會更好！😎
「水蜜桃綠茶」都係正常，雖然係果味茶不過唔會太甜，配埋食物對於唔係十級肚餓嘅我地就剛剛好！（其實好想試珍珠奶茶不過真係太飽，下次會返黎再試！）
雖然未至於台灣食野咁平，不過銅鑼灣地段食到咁飽，仲有台灣歌同台灣感陪我地食野，環境亦係舒服，每人都係$65有找，真係好合乎我嘅經濟！好開心！🥰
張貼
