影片
更多
2018-11-28
250 瀏覽
Blue Monday例牌三魂唔見七魄，再加上夜晚報左堂係銅鑼灣上，吃貨會比較關心咁夜落堂仲有咩好野食🤣🤫登龍街都算係銅鑼灣具代表性嘅食街，因為個到包含咗多國菜，而且唔同價位嘅菜式選擇，所以就算夜咗落堂都覺得行黎呢條街搵食一定無死👆🏻好快就比The Point吸引咗，係正轉角位，見佢裡面好似坐得幾舒服，望吓Menu，都好吸引，於是就衝左入去🤤 兩個餓鬼因為太肚餓，一見到The Point Favourites呢一版，就好似見到救星咁將佢裏面嘅廚師推介八成照板煮碗就落左單 😂沙律就叫左軟殼蟹水波蛋沙律，佢將蜜糖芥末汁撈埋d甜椒同新鮮嘅菜，酸酸甜甜更加令我地胃口大開🥳食大餐前緊係要食多d有營菜式先啦⛄️叫左個炒野菌配溫泉蛋，佢用香蒜橄欖油爆炒過，每粒菇菌都索曬味，唔會覺得好油，反而咬落仲幾爽口👍🏻叫左客香辣番茄醬炆肉丸。食得岀佢嘅肉丸係自家製，男朋友大愛😍配埋酸酸地嘅蕃茄蓉，無得彈！前菜點咗香蒜辣椒白酒煮大蜆🤙🏻每一粒蜆肉都脹卜卜，微辣再加上白酒滲透左落蜆肉裏面，令個蜆味更突出🌟主角黎喇！全晚最貴嘅菜式🤫-> 原隻龍蝦Pizza呀!!!!! 我都考慮咗一陣先決定嗌，因為真係好少食到用
登龍街都算係銅鑼灣具代表性嘅食街，因為個到包含咗多國菜，而且唔同價位嘅菜式選擇，所以就算夜咗落堂都覺得行黎呢條街搵食一定無死👆🏻
好快就比The Point吸引咗，係正轉角位，見佢裡面好似坐得幾舒服，望吓Menu，都好吸引，於是就衝左入去🤤 兩個餓鬼因為太肚餓，一見到The Point Favourites呢一版，就好似見到救星咁將佢裏面嘅廚師推介八成照板煮碗就落左單 😂
沙律就叫左軟殼蟹水波蛋沙律，佢將蜜糖芥末汁撈埋d甜椒同新鮮嘅菜，酸酸甜甜更加令我地胃口大開🥳
食大餐前緊係要食多d有營菜式先啦⛄️叫左個炒野菌配溫泉蛋，佢用香蒜橄欖油爆炒過，每粒菇菌都索曬味，唔會覺得好油，反而咬落仲幾爽口👍🏻
叫左客香辣番茄醬炆肉丸。食得岀佢嘅肉丸係自家製，男朋友大愛😍配埋酸酸地嘅蕃茄蓉，無得彈！
前菜點咗香蒜辣椒白酒煮大蜆🤙🏻每一粒蜆肉都脹卜卜，微辣再加上白酒滲透左落蜆肉裏面，令個蜆味更突出🌟
主角黎喇！全晚最貴嘅菜式🤫-> 原隻龍蝦Pizza呀!!!!! 我都考慮咗一陣先決定嗌，因為真係好少食到用龍蝦搭配Pizza嘅組合，所以決定星期一對自己好啲！
好彩佢都冇令我地失望，新鮮車厘茄配水牛芝士，邪惡嘅魔鬼再加上茴香同海鮮汁，令成個pizza未食已經聞到香味，真係令人流晒口水呀🤤
話明餓鬼，就再叫多客甜番薯條配香辣沙律醬比男朋友佐酒用🤣兩個茄汁怪緊係會問店員拎茄汁啦！兩個汁又岀奇地夾喎，忍唔住一條接一條又清左兜🤦🏻♀️
呢一餐真係好滿足！雖然我覺得我哋兩個嘅食量會嚇親在場嘅侍應，所以埋尾都叫咗杯齋啡幫助消化🤡
食飽飽返歸 又要捱多幾日先至放假嚕...
張貼
