影片
更多
2023-03-07
60 瀏覽
《 九龍灣一燒肉精選套餐同串燒 》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧去Megabox睇完傢俬之後，就想搵間新餐廳試一試。發現最近好耐都冇食過燒肉，咁我就揀咗呢間《一燒肉》。最近都好興一人燒肉，自己想食咩就自己燒，其實都幾好玩，宵夜中途油煙亦都好少，咁就唔怕燒完成身都係燒肉味。食燒肉其實醬汁都好重要，佢哋有四款醬汁可以選擇，分別係蒜香醬汁、韓式辣汁、鹽味燒肉汁同埋原味燒肉汁。午餐已經配有白飯、湯品、是日漬物。極上甲羅燒套餐 日本餐蟹味噌甲羅燒松葉蟹蓋直接放上去燒5分鐘左右就食得，記住燒到差唔多熟嘅時候就可以連同生雞蛋一齊攪拌，同埋要留意一下唔好太大火。蟹膏同埋蟹肉食落味道非常鮮甜又濃郁。鹿兒島A4和牛壺漬和牛壺漬即係醃製過嘅和牛，食落勁多肉汁又有少少辣味。鹿兒島A4和牛肩肉呢個部位脂肪會較少，但係牛肉味同樣好濃郁，亦都唔會有根位，燒完同樣軟腍。厚切牛舌心配塭蔥厚切牛舌心好有嚼勁又爽口。極上鹿兒島A4和牛壽喜燒套餐鹿兒島A4和牛一大片鹿兒島A4和牛，大理石嘅油花睇落已經好靚，輕輕灼燒幾秒就可以食，入口即溶又有豐富嘅牛脂味道。朝鮮厚切五花腩厚切五花腩用咗韓式秘製醬汁醃製過，豚
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
去Megabox睇完傢俬之後，就想搵間新餐廳試一試。發現最近好耐都冇食過燒肉，咁我就揀咗呢間《一燒肉》。最近都好興一人燒肉，自己想食咩就自己燒，其實都幾好玩，宵夜中途油煙亦都好少，咁就唔怕燒完成身都係燒肉味。
食燒肉其實醬汁都好重要，佢哋有四款醬汁可以選擇，分別係蒜香醬汁、韓式辣汁、鹽味燒肉汁同埋原味燒肉汁。
午餐已經配有白飯、湯品、是日漬物。
極上甲羅燒套餐
日本餐蟹味噌甲羅燒
松葉蟹蓋直接放上去燒5分鐘左右就食得，記住燒到差唔多熟嘅時候就可以連同生雞蛋一齊攪拌，同埋要留意一下唔好太大火。蟹膏同埋蟹肉食落味道非常鮮甜又濃郁。
鹿兒島A4和牛壺漬
和牛壺漬即係醃製過嘅和牛，食落勁多肉汁又有少少辣味。
鹿兒島A4和牛肩肉
呢個部位脂肪會較少，但係牛肉味同樣好濃郁，亦都唔會有根位，燒完同樣軟腍。
厚切牛舌心配塭蔥
厚切牛舌心好有嚼勁又爽口。
極上鹿兒島A4和牛壽喜燒套餐
鹿兒島A4和牛
一大片鹿兒島A4和牛，大理石嘅油花睇落已經好靚，輕輕灼燒幾秒就可以食，入口即溶又有豐富嘅牛脂味道。
朝鮮厚切五花腩
厚切五花腩用咗韓式秘製醬汁醃製過，豚肉身軟腍又多汁。
檸檬塭汁雞上髀肉
醃製過嘅雞上髀肉本身已經好嫩滑，雞皮燒到微微焦香，多汁又帶檸檬嘅天然酸味。
澳洲M5和牛內裙邊150g
長長一條份量都唔少，可以一整條放落去燒，待差唔多熟嘅時候剪成一塊塊。依個部位油脂相對較少，但係肉味極度。
另外仲叫咗多款串燒
地雞小肉，雞頸肉 (博多產)
砂肝串 (岩手縣產)
鳥皮 (岩手縣產)
錦爽雞肉丸(名古屋產)配日本之卵
最令我印象深刻就一定係雞肉丸，雞肉丸爽口彈牙，配合埋日本生雞蛋整成嘅醬汁，口感即刻順滑好多。
人均💫300
如果唔想錯過其他好介紹，記得follow我呀😘
多謝大家！！！
∴∵∴ ୨୧ ∴∵∴ ୨୧ ∴∵∴ ୨୧ ∴∵∴୨୧ ∴∵∴ ୨୧ ∴∵∴ ୨୧ ∴∵∴
一焼肉 (九龍灣)
九龍灣宏照道38號MegaBox 2樓25號舖
∴∵∴ ୨୧ ∴∵∴ ୨୧ ∴∵∴ ୨୧ ∴∵∴୨୧ ∴∵∴ ୨୧ ∴∵∴ ୨୧ ∴∵∴
張貼
