影片
更多
2009-10-01
33 瀏覽
30-9-2009朋友提議到大坑食 dinner, 嚟到講咗好耐話要試的小白屋. 雖然甜魔食友們曾經來掃餐牌, 跟住一人寫了一篇喊面食評, 但自己始終未試過唔心息, 呢日難得 2 人 8:00pm walk-in 有位, 試試吧. 一人叫了一 pasta 及飲品, 另加兩份甜品 share 食.朋友飲凍蜜桃茶, 其實係 iced tea + 罐頭 peach, 飲落只有甜味及輕輕的茶味, 可以不試.我飲凍紅棗茶, 呢個細杯得多, 但夠晒真材實料, 飲落清甜潤喉, 紅棗味香, 都不錯.我食 pasta #1 白汁芝士蟹肉菠菜焗卷通粉: 4 碌 cannelloni 有兩碌係爆裂的, 賣相認真麻麻... 白汁芝士夠味, 蟹肉及菠菜餡料亦足料夠味, 但焗完後 cannelloni 太乾, 加埋較硬身的口感, 效果一般.朋友食 pasta #2 linguini carbonara, 呢個較 cannelloni 好少少: carbonara 汁夠杰夠 creamy, 雖然蛋香欠奉, 但已好過好多地方的了; 意粉 al dente, mushroom 厚肉又夠香, 不過 bacon 無
朋友提議到大坑食 dinner, 嚟到講咗好耐話要試的小白屋. 雖然甜魔食友們曾經來掃餐牌, 跟住一人寫了一篇喊面食評, 但自己始終未試過唔心息, 呢日難得 2 人 8:00pm walk-in 有位, 試試吧. 一人叫了一 pasta 及飲品, 另加兩份甜品 share 食.
朋友飲凍蜜桃茶, 其實係 iced tea + 罐頭 peach, 飲落只有甜味及輕輕的茶味, 可以不試.
我飲凍紅棗茶, 呢個細杯得多, 但夠晒真材實料, 飲落清甜潤喉, 紅棗味香, 都不錯.
我食 pasta #1 白汁芝士蟹肉菠菜焗卷通粉: 4 碌 cannelloni 有兩碌係爆裂的, 賣相認真麻麻... 白汁芝士夠味, 蟹肉及菠菜餡料亦足料夠味, 但焗完後 cannelloni 太乾, 加埋較硬身的口感, 效果一般.
朋友食 pasta #2 linguini carbonara, 呢個較 cannelloni 好少少: carbonara 汁夠杰夠 creamy, 雖然蛋香欠奉, 但已好過好多地方的了; 意粉 al dente, mushroom 厚肉又夠香, 不過 bacon 無煎過的痕跡, 似白烚多 d , 食落肥而不香, 可惜.
Dessert #1 蘋果醋白酒啫喱: 啫喱切到好細粒, 有點一 pat pat 的感覺 , 蘋果味唔覺, 但好「酒」, 配上 mixed fruits, 味道一般, 勝在酸酸的幾開胃.
Dessert #2 Dark chocolate mousse cone 係店員哥哥的推介, 話落了 75% 的黑朱古力, 果然無介紹錯: 不論外層的朱古力脆皮, 或是入面的軟滑 chocolate mousse, 朱古力味都好濃好「黑」, 勁對口味 不過後期加工淋上的 chocolate sauce 就好甜, 味道又好怪, 可惜.
食物比上不足比下有餘, 環境就帶點港式西餐廳的味道; 店員哥哥就極有禮友善, 全晚最好的絕對係 service.
每人約 $140, 唔算好貴, 不過印象一般而已, 有緣再見吧!
張貼
