影片
更多
2020-06-19
179 瀏覽
大熱白布烏冬• 準時3:30pm網上搶購 • 每日限購100包這塊狀似白布般的烏冬麵，網上熱爆，位於大角咀的餐廳門外經常大排長龍，一直都冇機會試到。早前得知金所推出懶人包，第一時間乖乖上網搶購。大家真係要準時3:30pm進入網站搶購，本來我諗住試晒三隻味道，點知慢手慢腳，買唔到鴨肉沾麵⋯⋯😅 今日試咗最原汁原味的白布烏冬配鰹魚醤油。煮法比想像中簡單容易好多，白布烏冬一包裏面有8塊，每塊都有膠片分隔開，包裝方法好聰明，好似即食片狀芝士。大家只需溫柔地將烏冬逐塊放入滾水煮8分鐘，然後立即撈起放入冰水過冷河。提提大家，要用size較大的煲，咁樣先唔會黐底。白布烏冬的texture超級煙韌，滑嘟嘟，厚厚的，個人非常喜歡。餐廳自家調製的鰹魚醬油集甜鮮於一身，懶人包裏面亦已為大家預備了生姜、蔥及山葵，方便大家撈勻食。今日太飽，食唔到雞肉沾麵，下次試完，再話比大家聽好唔好食。$168/3包，一包有8塊，平均$56/包，千祈唔好睇小個份量，白布烏冬都幾飽肚的，食完8塊一定飽，加上麵條都係新鮮人手製造，所以價錢個人認為非常合理。買夠$500仲可以免費送貨。提提大家，麵條同湯汁都要放入落冰箱，大家買之前要
這塊狀似白布般的烏冬麵，網上熱爆，位於大角咀的餐廳門外經常大排長龍，一直都冇機會試到。早前得知金所推出懶人包，第一時間乖乖上網搶購。
大家真係要準時3:30pm進入網站搶購，本來我諗住試晒三隻味道，點知慢手慢腳，買唔到鴨肉沾麵⋯⋯😅 今日試咗最原汁原味的白布烏冬配鰹魚醤油。煮法比想像中簡單容易好多，白布烏冬一包裏面有8塊，每塊都有膠片分隔開，包裝方法好聰明，好似即食片狀芝士。
大家只需溫柔地將烏冬逐塊放入滾水煮8分鐘，然後立即撈起放入冰水過冷河。提提大家，要用size較大的煲，咁樣先唔會黐底。
白布烏冬的texture超級煙韌，滑嘟嘟，厚厚的，個人非常喜歡。餐廳自家調製的鰹魚醬油集甜鮮於一身，懶人包裏面亦已為大家預備了生姜、蔥及山葵，方便大家撈勻食。今日太飽，食唔到雞肉沾麵，下次試完，再話比大家聽好唔好食。
$168/3包，一包有8塊，平均$56/包，千祈唔好睇小個份量，白布烏冬都幾飽肚的，食完8塊一定飽，加上麵條都係新鮮人手製造，所以價錢個人認為非常合理。買夠$500仲可以免費送貨。提提大家，麵條同湯汁都要放入落冰箱，大家買之前要預留足夠冰箱位置啊。
張貼
