白熊喫茶店 (已結業)

今日收工要去網絡商攪文件！順便食晚餐，呢間日式餐廳唔多人，和式淺木傢私，闊落好坐，我可以一個人坐到四人位，門口仲有小賣部賣雪榚小食！食物款式唔算多，以意粉咖哩為主，其他都係甜品！店員勤快，落單收碟都好爽，我話想食完咖哩飯再決定叫唔叫甜品，佢就留下餐牌比我慢慢睇！人氣白熊豚肉球咖哩奄列飯（$80）：賣相可愛，肉丸好大粒，入面有肉汁，撈埋咖哩汁食好味！咖哩汁杰又香，唔會辣，米飯軟熟，有芝士加雞蛋，味道好夾，大家都唔會搶到大家風頭，但食落會比較膩，最後我都食唔晒，平時日式咖哩會配醃菜，呢度又無比！所以無爽口咸香嘢解膩！感覺唔圓滿！食咗已經好飽，唔可以即刻食甜品了！店員有禮，當我在門口時，見大大塊板寫住情人節套餐，我怕今日只做套餐，問下小賣部嘅男店員，佢澄清有散叫食物！我先至入去！希望佢嘅咖哩可以配埋爽食！