影片
更多
2018-10-25
43 瀏覽
Mini Club，之前食過尖沙咀店，印象深刻難忘，讓人回味。今次同朋友試下旺角太平道嘅分店。餐廳鄰近何文田，附近環境清幽。裝潢仍舊很有格調、浪漫，讓人忘卻煩囂的都市。上次沒有飲酒，所以今次一心想暢飲一番，叫了一支智利的白葡萄酒(White Wine Carta Vieja Sauvigon Blanc)，好易入口，飲落有桃子及蘋果香味，配合海鮮一起，爽呀！海鮮拼盤海鮮拼盤好大兜，睇落好正，好新鮮咁。龍蝦份量夠大，係對半切開上的，好方便食。入邊仲有好多膏，食完好滿足。蟹的肉質幾實正，鮮甜；鮑魚、翡翠螺、青口幾爽口彈牙，整體來講幾滿意，正！火焰西班牙黑毛豬鞍扒豬扒就食得多，但黑毛豬鞍扒就真係第一次食。上枱嘅時候侍應仲落左酒，變火焰豬扒，好玩。睇落去好厚切，好似肉眼扒咁厚，真材實料，對得住呢個價錢。初初都驚佢韌，點知食落又幾嫩下，不會「嚡」。伴碟有蕃茄蓉、果蓉、海鹽，每種味都不錯，值得一試！霸王軟殼蟹配法式紅醬意粉軟殼蟹係即炸，新鮮熱辣，咬落好鬆脆，一d都唔油膩，好味。意粉軟硬適中，配蕃茄蓉感覺幾清新。黑松露野菌薄餅本來想叫海鮮味薄餅，但見佢餐牌寫住人氣之選係黑松露野菌薄餅，於是就試試。一
今次同朋友試下旺角太平道嘅分店。餐廳鄰近何文田，附近環境清幽。裝潢仍舊很有格調、浪漫，讓人忘卻煩囂的都市。
上次沒有飲酒，所以今次一心想暢飲一番，叫了一支智利的白葡萄酒(White Wine Carta Vieja Sauvigon Blanc)，好易入口，飲落有桃子及蘋果香味，配合海鮮一起，爽呀！
海鮮拼盤
海鮮拼盤好大兜，睇落好正，好新鮮咁。龍蝦份量夠大，係對半切開上的，好方便食。入邊仲有好多膏，食完好滿足。蟹的肉質幾實正，鮮甜；鮑魚、翡翠螺、青口幾爽口彈牙，整體來講幾滿意，正！
火焰西班牙黑毛豬鞍扒豬扒就食得多，但黑毛豬鞍扒就真係第一次食。上枱嘅時候侍應仲落左酒，變火焰豬扒，好玩。睇落去好厚切，好似肉眼扒咁厚，真材實料，對得住呢個價錢。初初都驚佢韌，點知食落又幾嫩下，不會「嚡」。伴碟有蕃茄蓉、果蓉、海鹽，每種味都不錯，值得一試！
霸王軟殼蟹配法式紅醬意粉
軟殼蟹係即炸，新鮮熱辣，咬落好鬆脆，一d都唔油膩，好味。意粉軟硬適中，配蕃茄蓉感覺幾清新。
黑松露野菌薄餅
本來想叫海鮮味薄餅，但見佢餐牌寫住人氣之選係黑松露野菌薄餅，於是就試試。一上來，賣相都幾好，野菌都夠多，而且好香的芝士味。咬落去係脆的，唔同普通薄餅，越食越香，我地好快就食曬，讚！
The Love of Eiffel
這個甜品是必點的，淨係賣相都已經超正。每次侍應拿出來，大家的視線都會集中它上，帶著羨慕的眼光。要形容它的話，我會稱它為「迷霧中的巴黎鐵塔」。因為侍應會把霧化的乾冰倒在甜品塔下，營造迷幻的視覺效果。甜品塔承載多種甜品，包括芝士蛋糕、慕絲、朱古力、macaron等。單獨吃的話味道是很甜的，但配上白葡萄酒食用，便剛剛好了！
再一次証明酒吧也能同時兼顧食物與美酒的品質，日後拍拖、聚會又有一個好去處了。
張貼
