大廚巴巴 (已結業)

某日喺附近食完晚飯經過呢間小食店，當時接近關門時間，就冇幫襯到。事隔一星期，再黎呢頭食早餐，決定試一試呢度嘅魚蛋。小店剛開門不久，附近靜英英咁。除左魚蛋，仲有唔少小食、炸物、飲品等供應，價錢正常啦，唔係特別平貴。魚蛋 $10/7粒用嘅係白魚蛋，驟眼睇都好似林_記嘅白魚蛋，價錢都一樣，$20/16粒。今時今日，魚蛋黎講，價錢可以接受啦，有啲粉做嘅魚蛋都賣得更貴。魚蛋食落夠彈牙爽口，唔會左粉蛋嘅口感，味道不俗。咖喱味反而較一般，所以都放左好多款調味醬等客人可以自己加。不過炎炎夏日，見啲醬料啱啱喺雪櫃拎出黎，仲滴緊水，可能要注意。