銓滿記餐廳小廚 (已結業)

白鱔煲仔飯（$88）一直中意食尼到既煲仔飯多過廟街既，雖然比廟街貴，但唔洗排，又坐得舒服，仲有各種小菜食，重點係味道亦都十分好。 司令叫既係白鱔煲仔飯，等煲仔飯既時候會送上一壺足料老火湯，等左十五分鐘就上枱啦，叔叔會幫大家落豉油，過一陣會話比大家知食得啦。即刻撈均啲飯，每啖都充滿豉油同白鱔既香😍。白鱔有五大舊，每舊都好鮮嫩，不過有少少刺，不過煲仔飯重點都係個飯，就算你拎走曬五舊鱔司令都扒得曬啲飯😂，食完個底到仲有飯焦添啊，簡直係叔叔不行了。