影片
更多
2021-05-19
1595 瀏覽
❀ The Pawn #灣仔 ❀❗️百年古蹟氣氛滿分 假日free flow brunch❗️——————————————————每次嚟到灣仔都不敢被呢幢百年古蹟所吸引🤩當年係一間當舖，但現時已經成為數間餐廳嘅所在地，今次就嚟到位於2樓嘅The Pawn！特色之處在於有露台座位，可以望到灣仔嘅眾生相，而且私隱度好高，喺餐枱之間擺放盆栽，冇咁容易睇到其他台👍🏻室內嘅裝修亦非常精美，真係別有一番風味💖餐廳大部份都係外國人，氣氛輕鬆舒適，侍應有禮。食物質素大致唔錯，想搵個靚地方好好慶祝一下可以考慮。.✷𝑀𝑒𝓃𝓊✷☞ The Sober Brunch $548假日午市只提供free flow brunch，包括頭盤、主菜、甜品、free flow飲品。因為朋友同我都唔飲酒，所以就揀咗sober brunch，包smoothie, fresh juice, soft drinks。如果想飲酒嘅你就可以揀Boozy Brunch $698/ Absolute fabulous brunch $1088，紅酒、白酒、啤酒、cider都有。覺得如果唔飲酒嘅話其實性價比相對低，如果純粹想體驗一番，唔需要fr
❗️百年古蹟氣氛滿分 假日free flow brunch❗️
——————————————————
每次嚟到灣仔都不敢被呢幢百年古蹟所吸引🤩當年係一間當舖，但現時已經成為數間餐廳嘅所在地，今次就嚟到位於2樓嘅The Pawn！特色之處在於有露台座位，可以望到灣仔嘅眾生相，而且私隱度好高，喺餐枱之間擺放盆栽，冇咁容易睇到其他台👍🏻室內嘅裝修亦非常精美，真係別有一番風味💖餐廳大部份都係外國人，氣氛輕鬆舒適，侍應有禮。食物質素大致唔錯，想搵個靚地方好好慶祝一下可以考慮。
.
✷𝑀𝑒𝓃𝓊✷
☞ The Sober Brunch $548
假日午市只提供free flow brunch，包括頭盤、主菜、甜品、free flow飲品。
因為朋友同我都唔飲酒，所以就揀咗sober brunch，包smoothie, fresh juice, soft drinks。如果想飲酒嘅你就可以揀Boozy Brunch $698/ Absolute fabulous brunch $1088，紅酒、白酒、啤酒、cider都有。
覺得如果唔飲酒嘅話其實性價比相對低，如果純粹想體驗一番，唔需要free flow，可以考慮平日嘅2-course lunch，$168就可以，感覺抵食得多🤣。
.
♥ To Share
✦ Ricotta Toast
✦ Bruschetta Toast
✦ Cold Cut Platter
✦ Caesar Salad
✦ Yam Fries
會先上頭盤，款式唔算特別，不過整體味道唔錯🤤。
尤其鍾意佢嘅ricotta toast，配上無花果同埋黑醋，有fineprint 嘅影子，好好味！
另外yam fries亦非常香脆香甜，配上garlic mayo，邪惡美味。
109 瀏覽
0 讚好
0 留言
.
♥ Main
✦ Beef
✦ Mussels
主菜一共有六款選擇，分別有牛、魚、雞、青口同埋兩款意粉，今次我哋揀咗牛同埋青口。
牛扒佢嗰陣冇問我哋幾多成熟(可能咁啱Miss咗?)，切開覺得起碼七成，心諗不妙，不過入口都冇想像中咁韌😯係有少少咬口，牛香好重嘅牛扒，視乎個人喜好。
相反青口就真係必食😍當時掙扎應該嗌雞定係青口，好彩聽咗侍應嘅推薦嗌青口。
每一粒青口都極之大隻，非常creamy，甚至比蠔更出色，完全唔係平時香港啲西餐細細隻嗰啲。白酒汁亦非常香，加上少少洋蔥。冇加任何忌廉，望落清淡，但好入味，推薦👍🏻！
63 瀏覽
0 讚好
0 留言
51 瀏覽
0 讚好
0 留言
64 瀏覽
0 讚好
0 留言
51 瀏覽
0 讚好
0 留言
70 瀏覽
0 讚好
0 留言
.
♥ Dessert
Menu話係unlimited，不過嗰日我哋淨係試咗一輪。
有朱古力慕絲、西班牙油炸鬼、伯爵茶泡芙。
三款當中伯爵茶泡芙較為突出，冇諗過喺西餐廳都食到咁香濃嘅伯爵茶甜品。
不過其餘兩款都相對普通🙈油炸鬼比較硬，慕絲唔知係咪室外較熱，完全變咗係一pat酸酸地嘅朱古力醬。。。
59 瀏覽
0 讚好
0 留言
.
♥ Drinks
✦ Fresh Juice
✦ Smoothie
✦ Soft drinks
當日果汁係鮮榨橙汁，我哋就冇試到🙈不過三款smoothie都幾好飲，真材實料又唔會太膩，分別有mango Lassi, banana & oats, strawberry & yogurt。
另外soft drinks，除咗可樂之外都仲有ginger ale, ginger beer等等，選擇幾豐富。
不過講真飲幾杯都飽晒，對於我呢啲唔特別好甜野嘅人來講，覺得如果有non free flow嘅選擇會就更好(cheaper)。
40 瀏覽
0 讚好
0 留言
——————————————————
✨整體味道: 4.1/5
✨環境裝修: 4.2/5
✨服務態度: 4/5
✨性價比: 3.3/5
✨再訪興趣: 3.5/5
.
💞整體來講
食物大致上其實唔錯，尤其係個青口真係好好食😋不過對於唔飲酒嘅我哋來講，free flow brunch就唔係好抵🙈如果都係想來感受一番、體驗喺百年古蹟內進食嘅話，建議可以嘗試佢哋平日既2-course lunch，感覺應該更加抵食。PS當日大熱天時32度坐喺露台食都覺得OK，因為佢哋本身有遮蔭而且有好多大風扇，極怕熱嘅朋友都接受到，而且坐出面個vibe真係正好多。
張貼
