源記甜品小食

營業中

休息中

西環源記結業之後，一直都好掛著佢，知道係天后重開，就專登過嚟試吓。佢擁有170年歷史，主打中式糖水，最出名的就是桑寄生蓮子茶、合桃糊、杏仁露、芝麻糊以及雞蛋糕。宜家今由第四代接手，令呢啲傳統重現。桑寄生蓮子茶其實最出名係佢啲蓮子，人手逐粒去芯，粒粒鬆化，春天飲祛濕，秋天飲滋潤。合桃糊、杏仁露、芝麻糊用原材料製作，浸，焗，炒再用石磨生磨。幼滑又夠香。雞蛋糕只係用蛋，糖，麵粉製造，真係食得出蛋香。以前舊鋪剩係得熱糖水，宜家仲有凍選擇。而且新增好多傳統街頭小食，炸油糍、炸雞全翼、自家製蘿白糕，多咗好多選擇。