大喜屋 (已結業)

今日約咗朋友去食大喜屋放題，所以連早餐都冇食，咁樣可以試多啲野呀嘛！😝😝已經第二次食大喜屋，地點就腳，有食物質素保證，Lunch放題可以食到下晝三點鐘，時間都幾充足，唔錯唔錯！食放題指定動作就係一開始嗌一大盤刺身打卡啦！呢度嘅刺身種類選擇都幾多，除咗有平時常見嘅三文魚、北寄貝、帶子、甜蝦之外，仲有虎蝦、蟹腳，感覺上每款都幾新鮮，所以我哋都嗌左兩round刺身！吞拿魚腩軍艦 炙燒左口魚邊壽司壽司我哋嗌咗幾款一齊食！吞拿魚腩軍艦好新鮮，紫菜脆！左口魚燒得好香，唔錯！炸物炸物幾有驚喜！除咗款式好多之外，例如有芝麻雞翼、炸廣島蠔，仲有好特別嘅炸榴槤，同埋炸芝士！每款上枱嘅時候都係熱㗎，所以應該係新鮮炸嘅！炸榴槤好香口，入面嘅榴槤蓉好多，一咬嘅時候裏面嘅餡都多到瀉出嚟！因為太好食嘅關係，我哋之後仲嗌多一round 😆😆黃金蟹粥欣賞佢呢度既銱鍋物係可以以碗做單位，即使人少少，都唔驚會嗌咗一大鍋嚟食唔晒。呢個蟹粥煮得好綿，蟹味都算幾濃，食完感覺好暖胃，唔錯！飲品飲品嘅選擇都幾多啊！除咗罐裝飲品，仲有啲特飲，同埋最特別有梅酒，所以我哋兩個都嗌左黎試吓！