629雞蛋仔

營業中

休息中

係某個雜誌見到呢間小食店既報導，然後見到朋友大推，即刻叫佢帶我黎試下。不過地點真係有啲遠，平時唔係住呢頭真係唔會入黎。黎到見到有條小隊排緊，得老闆自己一個，落一個單先整一份，所以等左一陣先到我地。朋友點開格仔餅，我地就叫一份一齊share。老闆好好人，幫我地切開一半，一人一個紙袋。一攞上手，格仔餅熱辣辣，隔住個袋都聞到蛋香。個面烤得好均勻，成件野都好靚。影完相，即刻咬左啖。朋友無呃我，真係好重蛋味佢話呢個老細不惜以本傷人，落真蛋漿，我都load左陣先明係讚緊佢🧐。個格仔餅外脆內軟，仲要入面好煙韌，加埋花生醬，真係無得輸，好彩佢離我屋企遠，如果唔係一定成日去食🤣🤰🏻，但下次有機會，一定試下佢個雞蛋仔。