唐記包點 (港鐵香港站)

營業中

休息中

近期大熱嘅Melody包😍，雖然我唔鍾意Melody，但係禁啱去買早餐嘅時候就見到有得買，所以買返過嚟試吓。原來個包唔係長期有存貨喺度，係要指定時間先會有返貨，仲要每一間分店都唔同，店員仲話返貨量唔多，有時可能得10個8個，怪不得啲人瘋狂咁去排隊買。不過我今日就好好彩，諗住買個菜肉包，點知就撞到有Melody包，既然咁難買又比我遇到咁梗係要買過嚟試試啦。買咗一個Melody頭嘅紅豆包，同一個粉紅色Melody嘅菜肉包。原來好靚嘅Melody頭紅豆包係凍包嚟嘅，買完返去要自己蒸，凍水落包蒸8分鐘。粉紅色Melody菜肉包就係熱食嘅，味道同平時嘅正常菜肉包係一樣，個人認為只係變咗粉紅色同多咗個Melody公仔。紅豆包蒸完8分鐘之後， Melody個樣裂開咗，怪得得佢淨係買凍包唔買二包啦。雖然裂開咗，但係個樣都係靚嘅，冇甩色。味道來講呢，見到一粒粒嘅紅豆絕對唔係嗰啲紅豆沙嘅紅豆蓉，味道有少少甜，但係都叫做有好香濃嘅紅豆味。都值得一試嘅，不過我應該就唔會再買第二次。