櫻子屋 (已結業)

同同事出街食lunch,佢地推介呢間小店。聽名都知係日式野，價錢中等，lunch選擇由三十幾蚊起。店內得十個位左右，坐就一定唔闊落架啦，而且lunchtime都幾搶手。唔知係咪飲食牌既關係，堂食都係俾即棄餐具既。吉列蝦燒雞飯(咖哩汁)$48,凍奶茶加$2分量都幾多，女仔要share，唔係一定食唔哂！日式咖喱汁幾惹味，亦足夠撈哂成個飯。吉列蝦有成四隻咁多，炸得香脆，蝦肉亦彈牙。雞扒半煎炸，香口得黎唔會乾身。奶茶質素亦係合格之上！係東涌想食個快飯，又要平靚正既，呢間係個好選擇！