影片
更多
2009-10-30
483 瀏覽
Happy Friday 見皇上皇集團係九龍灣exchange tower 開0左間皇廷，就一行11同事一齊上去試新野。食完大家小聲四起!!!首先打去book 位已經打個突，有一名遊魂亞姐聽電話，迷迷糊糊幫我book 0左位。上到去，呢間野擺明係做酒席生意，力圖升呢ok做到個場懶靚，不過極娘，唔討好，而且個場三尖八角，擺酒唔得體，最抵食我地係前面食野，佢就係度裝修個台，沙麈滾滾，欠衛生。講番食物，先唔講好唔好食，最基本食物熱同上菜速度已經做唔到了，而且作為一間係commercial area 0既酒樓，如果做唔到0的野食出得快，點吸引到0的趕返工0既朋友去食呢?再講食物質素，可以稱得上係曳，個咩鬼野魚蝦蟹炒飯，收HK$78，三催四請先0黎到，0岩晒0的有病0既人食，因為完全冇味，最頂癮所謂0既蟹係一條條蟹柳，完全冇誠意，如果係茶仔食，咁0既質素你收我30蚊我都忍你，大佬，你叫到自己貢勁，魚蝦蟹炒飯竟然係爛鬼蟹柳無味炒飯，咁你預0左我一次無回頭。另外其他野食，流沙奶皇飽走0左流沙，蛋散無味……仲有無限漏單，不過埋單時，所有無出現過0既野食照計入單，所以要睇清楚。此外，唔知係咪新開，係有好
Happy Friday 見皇上皇集團係九龍灣exchange tower 開0左間皇廷，就一行11同事一齊上去試新野。食完大家小聲四起!!!
首先打去book 位已經打個突，有一名遊魂亞姐聽電話，迷迷糊糊幫我book 0左位。
上到去，呢間野擺明係做酒席生意，力圖升呢ok做到個場懶靚，不過極娘，唔討好，而且個場三尖八角，擺酒唔得體，最抵食我地係前面食野，佢就係度裝修個台，沙麈滾滾，欠衛生。
講番食物，先唔講好唔好食，最基本食物熱同上菜速度已經做唔到了，而且作為一間係commercial area 0既酒樓，如果做唔到0的野食出得快，點吸引到0的趕返工0既朋友去食呢?
再講食物質素，可以稱得上係曳，個咩鬼野魚蝦蟹炒飯，收HK$78，三催四請先0黎到，0岩晒0的有病0既人食，因為完全冇味，最頂癮所謂0既蟹係一條條蟹柳，完全冇誠意，如果係茶仔食，咁0既質素你收我30蚊我都忍你，大佬，你叫到自己貢勁，魚蝦蟹炒飯竟然係爛鬼蟹柳無味炒飯，咁你預0左我一次無回頭。
另外其他野食，流沙奶皇飽走0左流沙，蛋散無味……仲有無限漏單，不過埋單時，所有無出現過0既野食照計入單，所以要睇清楚。
此外，唔知係咪新開，係有好多服務員，不過個個都好唔熟手，木台號又唔記得，叫佢催0的野食，淨係識話我再去睇睇，拎隻spoon 都一年咁，就算係埋單都好耐，但係全場只係2/3滿人。
最後係怒點點心，不過堅持唔0黎0既情況之下，我地只有埋單回去，大家0既comment 都係，下次唔會再去，仲有諗定一陣食咩tea，因為食完都唔飽。
良心建議:加快食物出場0既時間，都唔求可以做多幾轉，at least 唔會嚇走0的抱住試一試0既客人。野食又慢又唔熱又漏單，大佬下晝仲要返工，邊個得閒同你等，等你去問等你去追，仲有，競爭對手又多，平過你0既有，好食個你0既有，方便過你0既又有，真係想唔到我點解要幫襯囉。
張貼