影片
更多
2018-04-13
1433 瀏覽
是日屋企皇后生辰，又適逢龍悅出左個<龍蝦鮑魚夜宴>，由於之前已經去過呢度食晚飯又覺得唔錯，於是乎早一個星期前已經訂定檯同講定會食呢個餐，酒樓樓底算高，環境都舒適夠光猛。六點半準時到達，星期六都比較少客，唔知點解覺得帶位姐姐比較緊張，成日問我貴姓，坐低左又問多次，可能驚帶錯位卦，另外有個男經理好好服務，而且好客氣，成日都好主動過黎我地張檯，相反有個瘦既男經理啲服務就麻麻，好似唔願做咁。講返食物: 波士頓龍蝦: 有6隻，蒜茸開邊蒸，黎到既時候好香，好大堆頭，賣相好吸引，可惜食唔到龍蝦本身既鮮味，而且比較細隻，龍蝦鉗好輕身少肉; 當紅乳豬全體: 呢個好好食，乳豬皮燒到好脆，而且一啲都唔肥，好快就已經俾我地食晒; 雀巢帶子海中寶: 有西芹、蝦、果仁、帶子、紅椒、黃椒、北寄貝，蝦爽口彈牙，帶子就較淋，北寄貝都彈牙，西芹、紅椒、黃椒都爽脆，果仁都係脆身，好味; 陳皮蔥花蒸鮮鮑魚: 有16隻，影相睇落去好似都幾大隻，但其實比較細隻，如果數量少啲但大隻啲既話就比較好，但都幾好味; 蟲草花冬瓜燉螺頭: 其實仲有紅燒花膠雞絲翅同蟹肉魚肚羹三樣揀一樣，我地鍾意飲湯同埋湯要預訂，所以揀左湯，個
六點半準時到達，星期六都比較少客，唔知點解覺得帶位姐姐比較緊張，成日問我貴姓，坐低左又問多次，可能驚帶錯位卦，另外有個男經理好好服務，而且好客氣，成日都好主動過黎我地張檯，相反有個瘦既男經理啲服務就麻麻，好似唔願做咁。
講返食物:
波士頓龍蝦: 有6隻，蒜茸開邊蒸，黎到既時候好香，好大堆頭，賣相好吸引，可惜食唔到龍蝦本身既鮮味，而且比較細隻，龍蝦鉗好輕身少肉; 
當紅乳豬全體: 呢個好好食，乳豬皮燒到好脆，而且一啲都唔肥，好快就已經俾我地食晒; 
雀巢帶子海中寶: 有西芹、蝦、果仁、帶子、紅椒、黃椒、北寄貝，蝦爽口彈牙，帶子就較淋，北寄貝都彈牙，西芹、紅椒、黃椒都爽脆，果仁都係脆身，好味; 
陳皮蔥花蒸鮮鮑魚: 有16隻，影相睇落去好似都幾大隻，但其實比較細隻，如果數量少啲但大隻啲既話就比較好，但都幾好味; 蟲草花冬瓜燉螺頭: 其實仲有紅燒花膠雞絲翅同蟹肉魚肚羹三樣揀一樣，我地鍾意飲湯同埋湯要預訂，所以揀左湯，個湯好好飲好足料，而且仲好大煲，每人飲左兩碗都飲唔完;
清蒸沙巴大龍躉: 魚肉唔算滑但都可以接受，都算大條; 
瑤柱金菇扒雙蔬: 呢個就不過不失，普普通通咁啦，金菇切到同瑤柱一樣大細，其實我搵唔到有瑤柱，哈哈; 
龍悅燒鵝皇: 本身個餐係一品脆皮燒雞，加$200可轉燒鵝皇，皇后生辰當然要食好啲食豪啲，所以我地加錢轉左燒鵝，燒鵝又係好好味，肉質唔梅有咬口，半肥瘦，好靚仔，不過實在太飽食唔晒，打包左半隻返屋企; 
飄香荷葉飯:食左咁多碟餸其實都好飽，不過見個荷葉飯好香所以食左半碗，食到冬菇粒，而且淡淡荷香，好好味; 
精美靚甜品: 陳皮紅豆沙，好食，煲到起沙，唔太甜啱啱好; 總括黎講，除左個龍蝦之外，其餘都唔錯，如果星期一至四黎食會仲抵，因為同星期六都相差$400，另外酒樓上菜都幾快，餸菜份量都足。
全包宴星期一至四 $1,888, 星期五$1,988, 星期六、日及假期 $2,288，包一支紅酒或嘉士伯大樽裝兩樽，同埋6罐汽水，包12位茶芥同免收加一服務費。
張貼
