勇記海南雞 (隆基大樓)

營業中

休息中

而家喺香港周圍都好容易食到海南雞飯, 但有水準又性價比高嘅數來數去唔太多。呢間泰式海南雞飯算係我比較喜歡嘅一間。呢到整嘅雞做到皮爽脆，肉夠滑嫩，雞肉亦浸得相當入味，有水準。性價比亦相當高。 海南雞飯配椰子雞湯／熱飲 賣$55 ｡ 對一個好食嘅海南雞飯嚟講， 算係相當抵食。 話明海南雞飯,除咗雞外, 當然會有飯，湯，點雞食嘅醬汁。 呢度嘅油飯做到口感軟硬適中，粒粒分明，有雞油香但唔會太肥食到成口油, 味道亦夠。湯係椰子雞湯，勁香椰子味, 非常清甜好飲。 但呢碗椰子雞湯, 飲唔飲到要睇緣份，因為每日供應有限。至於醬汁係泰式酸辣汁, 味道酸甜辣齊晒。呢度有個海南雞椰香喇沙 ，我試過覺得都唔錯, 但當然唔可以跟專門正宗食喇沙嘅店相比, 不過唔想食飯, 想轉吓口味, 可以試吓。