影片
更多
2018-08-23
215 瀏覽
今日同朋友去觀塘行APM，但基本上入面既餐廳都食渾哂，開飯搜尋搵到呢個PIZZA疑似唔錯播，咁去試下啦。小妹身為一個小饕餮，最鐘意週圍食，務求要食盡每個街頭小巷！餐廳係工廈入面，裝修精緻乾淨，同出面舊區風格大相逕庭。色調同風格有Ｄ意大利mix印度咁，俾人一種遠離香港鬧市既感覺，第一印象幾好。望入去有一半都係外國人，睇黎食物口味應該同香港大牌子既PIZZA有所唔同，比較貼近外國風味。店主都放左好多心機去佈置舖面，估唔到紅酒啊、調味料啊、意粉啊等等平平無奇既野放得有心思都可以排得咁有格調，小妹又學到野了～我地好快決定左揀二人餐，但揀PIZZA揀左十幾分鐘，因為口味真係太多啦，對於選擇困難症既我簡直係煎熬！最尾揀左夏威夷口味，配個煙肉蛋沙律同兩支芒果汁，200蚊有PIZZA有沙律有野飲算幾抵啦～芒果汁係Jarritos牌，算係墨西哥既名牌有氣果汁，入口芒果味夠，唔似芬達個種假果味，甜度稍甜但都算OK，好飲！等左幾分鐘，前菜煙肉蛋沙律出場啦～望落去幾整齊，沙律醬都幾均勻，配料同菜既比幾平衡。沙律菜入口爽脆，幾新鮮，有清新口感。煙肉有煎過先，香脆夠味。麪包粒有炸過，味道係唔錯既，但係有Ｄ硬。整體
餐廳係工廈入面，裝修精緻乾淨，同出面舊區風格大相逕庭。色調同風格有Ｄ意大利mix印度咁，俾人一種遠離香港鬧市既感覺，第一印象幾好。望入去有一半都係外國人，睇黎食物口味應該同香港大牌子既PIZZA有所唔同，比較貼近外國風味。店主都放左好多心機去佈置舖面，估唔到紅酒啊、調味料啊、意粉啊等等平平無奇既野放得有心思都可以排得咁有格調，小妹又學到野了～
我地好快決定左揀二人餐，但揀PIZZA揀左十幾分鐘，因為口味真係太多啦，對於選擇困難症既我簡直係煎熬！最尾揀左夏威夷口味，配個煙肉蛋沙律同兩支芒果汁，200蚊有PIZZA有沙律有野飲算幾抵啦～
芒果汁係Jarritos牌，算係墨西哥既名牌有氣果汁，入口芒果味夠，唔似芬達個種假果味，甜度稍甜但都算OK，好飲！
等左幾分鐘，前菜煙肉蛋沙律出場啦～望落去幾整齊，沙律醬都幾均勻，配料同菜既比幾平衡。沙律菜入口爽脆，幾新鮮，有清新口感。煙肉有煎過先，香脆夠味。麪包粒有炸過，味道係唔錯既，但係有Ｄ硬。整體上個沙律口感多層次，味道唔錯。
之後到主角夏威夷風味PIZZA隆重登場！見到14寸PIZZA個陣有我同朋友都呆左，睇黎14寸PIZZA對於兩個女仔黎講有D太大啦，或者咁講，太多啦！分餅數好有趣咁唔係8塊而係10塊，睇黎廚師都幾有心，因為太大塊對於我呢D櫻桃小嘴既小女生有D難入口…
好！講番個PIZZA先，餅底薄得黎又乾身結實，冇任何未熟既情況出現，仲有少少微焦，火候掌握得唔錯。涵料相當地足夠，火腿同菠蘿平均咁佈滿成個面，以芝士為媒介緊密咁同餅身痴埋一齊，唔似平時食個D PIZZA咁 拎起身就跌哂D料。煙軔芝士加埋足料配料，再搭上微微蒜香，香味濃厚，好食！餅底夠薄，咬落去啖啖料，完全唔會有似食緊麪包既感覺，更為加分，正！
總結黎講餐廳氣氛輕快，食物又唔錯，PIZZA份量夠又好味，性價比高。以後黎觀塘又多一間餐廳可以揀啦～！
張貼
