堂記腸粉專門店 (已結業)

要食好野除了要付出錢之外，有時候還要等待，特別係呢間咁出名既堂記！而且又迫又難等位，10:10pm落單，等到10:50pm先有野食。豬潤燒鴨腸($19)豬潤大塊對眼，又香又新鮮，而且又爽又脆有口感。燒鴨都好甘香，唔太肥。最高難度係d腸粉皮，薄得黎爽滑，晶瑩剔透，皮薄餡靚。牛肉魚片腸($18)味道略淡，牛肉嫩滑，魚片爽甜。魚片瘦肉粥($18)粥底綿，魚片脆，但有骨（我怕骨），可惜瘦肉較少。兩位埋單共$55可惜份量少了點，幾啖就無左，一次過點多幾碟都無問題，如果點唔夠，唔夠喉再點既話，又要等半個鐘以上先有得食嚕！