魯一式 (已結業)

細個成日食拉腸皺皮腸粉，反而大左呢啲食物慢慢消失，周街都係開日韓燒肉 放題咁，想搵返呢啲懷舊食品反而好難。係fb見到有人推介紅磡呢間新開既小店，就專登黎幫襯下~因為鋪頭地方細，所以冇位俾客人食野，我買完就行去側邊企住食。皺皮腸係即叫即整架，好軟滑，新鮮滾熱辣，魯肉同腸粉既份量好多，20蚊已經可以填飽個肚，配料仲有生菜芽菜雞蛋菜脯，一啲都唔單調，魯肉切到大大粒，有肥膏，食落似東坡肉，食得出師傅魯左好耐好入味不過可能係多汁既緣故，食到尾有啲口渴。