喜記路邊雞

營業中

休息中

今晚約左好友晚飯，行過旺角砵蘭街，見到呢間喜記路邊雞坐滿人，睇餐牌價錢相宜又多選擇，一於同好友試試～鹽水鵝(下庄)肉質鮮嫩，啖啖肉肥而不膩，味道唔會死鹹，口感Q彈有嚼勁。紅燒乳鴿金黃香酥，口感細嫩，肉味濃郁，外脆內嫩又多汁，正! XO醬味菜大腸頭帶點微辣超級開胃，大腸頭滷得入味，味菜甜酸惹味，佐飯一流。涼瓜菜甫肉碎煎蛋角涼瓜帶點甘苦，加入菜甫鹹香味適中，蛋角煎得香脆，清新易入口。蜜汁雞中翼雞翼皮滑肉嫩，香甜又多汁，簡單好味。上湯米粉米粉口感爽滑有咬勁，上湯調味剛好。白飯粒粒分明，口感軟硬適中。