MAZ Thai & BBQ (已結業)

朋友話呢到有榴槤薄餅，所以我呢個榴槤控就即刻飛身撲過去灣仔，滿足下我胃嘅欲望餐廳大概六點九到已經開亮起黃黃嘅燈，睇落似係一間西式餐廳多啲所有野食都印咗係一張大餐牌到，我緊係立刻搵我嘅至愛榴槤啦，餐牌到其實仲有幾樣榴槤食品，真係令我非常開心啊! 但係店員話有多款食物暫時都無，選擇即刻少咗好多…..濃濃嘅榴槤香飄過黎，因為我嗌咗杯D24榴槤沙冰，如果沙冰味道唔濃烈嘅話，就唔係用咗D24榴槤，好彩，一入口就已經充滿榴槤嘅香喇，不過沙冰就比較水同稀，唔係好夠冰，野食都未黎，已經開始溶到好似榴槤水咁，需要改善下第一樣食物就係冬陰功，用泰國菜常見嘅銅鍋載住，又係由遠處已經聞到辣辣嘅香氣，而且睇落都好足料，有三隻蝦同大量嘅草菇，味道幾辣，但係就比較酸，都係幾開胃嘅湯黎第二道就係紅咖哩燒鴨，都好似幾少見泰國菜有鴨食，而且燒鴨都幾似係中式嘅食材，所以好奇心下，就叫咗黎試下~ 橙紅色嘅咖哩，味道一啲都唔辣，椰漿味道較出，燒鴨嘅口感有啲韌，不過神來一筆嘅味道，竟然係呢一粒清甜嘅荔枝，雖然荔枝沾滿咖哩，但係佢本身清甜嘅味道完全無被蓋過，而且可以平衡咖哩嘅膩感，令成道菜更加清新跟住終於到咗我嘅目的喇，佢就係D2