叉燒丼家

營業中

休息中

記得幾年前啱啱開張嘅第一/二日，咁啱嗰排同班人喺新蒲崗嗰頭做嘢，見到新開左間食店，仲標榜"黯然銷魂飯" 係主打，覺得幾新穎，就膽粗粗入左去試 入到去諗都唔再諗，嗌左碗主打野，初時都唔抱太大期望，覺得應該會係一碗普通燒味鋪嘅叉燒飯 點知！當店員送到面前時，眼前一亮先唔講食落口嘅味道如何，淨係個擺盤都值98分！而嗰2分扣左喺邊? 係煎蛋，因為本人唔食生野，轉左熟蛋，而熟蛋嘅觀感冇太陽蛋咁吸引至於件叉燒質素如何? 微焦邊，油光，軟硬適中，再加上每一啖咬落口，都散發住淡淡嘅炭燒味，呢種味蕾嘅協調感係喺其他叉燒鋪搵唔到，之前食過啲一係一味過份強調炭燒味而overcook件叉燒，搞到"鞋"口，一係就淨係淋身但冇左香味，所以食呢間係俾到驚喜我再嚟講隻煎蛋，都係微燶邊，有厚度，入面仲keep到嫰滑感 之後講埋個飯，平平無奇，不過不失，但當佢撈埋啲蜜汁同薑蔥油，即刻升華晒，真係好香，不過飯量對我嚟講有啲多，最後幾啖都係夾硬食埋落去時至今日晏晝，重臨此地，當然嗌返當年食嘅飯回味下啦，雖然冇當年新開張咁好食，如果當年綜合係88分，今日嘅係85分，主要係叉燒爽同淋嘅分佈比例差啲啲，比較密集啲，以前疏啲(唔知咁