影片
更多
2018-01-06
2730 瀏覽
盲中中入咗間米芝蓮餐廳...喺完全唔知食咩好嘅情況下，經過一間唔多起眼嘅餐廳，但細望門面裝潢古色古香，只係餐廳名太奇怪，「蘭苑饎館」...完全莫名其妙！鼓起勇氣，一試無妨吧。店內環境比較細小，檯數不多，木檯木凳，懷舊感十足，然後就會見到好多張檯上都擺著「留座」...店員一開始便詢問係食飯定食糖水？大概食飯嘅就坐近門口位置，甜品就內堂位置吧！幸好，食飯時間仲有一張靠牆嘅「吉」檯！算幸運喇，不用等候便可即時入座！餐牌好特別，封面係木製，拎起都幾重手下！餐牌有圖又有字，好多字去講解如何點餐...考起初次幫襯嘅我...刨完書後，點咗一個白切雞、豉汁蒸白鱔，每個餸$95，雞、魚要額外加$5，即以上兩餸各$100，都幾貴！但有老火湯送，仲有菜送，當然仲有白飯，唔要飯可揀粉、麵之類。老火湯好好味，湯味濃郁，絕冇味精，好有住家阿媽煲靚湯嘅味道。白切雞（餐牌注明係用新鮮雞），肉質肥美嫩滑，咁當然冇大陸啲走地雞咁有雞味啦，算唔錯，只係冇乜驚喜。豉汁蒸白鱔，好有住家嘅味道！完全冇味精，白鱔新鮮，口感彈牙，略嫌份量真係太太太少，價錢與份量比較下，貴咗啲囉！但以$200嘅價錢，可以食到一餐完全冇味精嘅住家飯，咁
喺完全唔知食咩好嘅情況下，經過一間唔多起眼嘅餐廳，但細望門面裝潢古色古香，只係餐廳名太奇怪，「蘭苑饎館」...完全莫名其妙！鼓起勇氣，一試無妨吧。
店內環境比較細小，檯數不多，木檯木凳，懷舊感十足，然後就會見到好多張檯上都擺著「留座」...店員一開始便詢問係食飯定食糖水？大概食飯嘅就坐近門口位置，甜品就內堂位置吧！幸好，食飯時間仲有一張靠牆嘅「吉」檯！算幸運喇，不用等候便可即時入座！
餐牌好特別，封面係木製，拎起都幾重手下！餐牌有圖又有字，好多字去講解如何點餐...考起初次幫襯嘅我...刨完書後，點咗一個白切雞、豉汁蒸白鱔，每個餸$95，雞、魚要額外加$5，即以上兩餸各$100，都幾貴！但有老火湯送，仲有菜送，當然仲有白飯，唔要飯可揀粉、麵之類。老火湯好好味，湯味濃郁，絕冇味精，好有住家阿媽煲靚湯嘅味道。
白切雞
$100
105 瀏覽
1 讚好
0 留言
豉汁蒸白鱔
$100
108 瀏覽
2 讚好
0 留言
但以$200嘅價錢，可以食到一餐完全冇味精嘅住家飯，咁就要視乎個人覺得值定唔值喇！
飯後當然要食埋個糖水先走啦，老老實實，$200嘅晚飯份量的確唔多飽！但，係好味嘅！
糖水嘅價錢反而好合理喎！
腐竹薏米糖水
$18
63 瀏覽
3 讚好
0 留言
桑寄生蛋茶
73 瀏覽
0 讚好
0 留言
食食下糖水先發現牆上掛住好多個米芝蓮推介獎牌，失敬失敬！原來有時盲中中都中到間好餐廳返嚟！唔錯喔！好滿足嘅一餐！
張貼
