士林棧 (已結業)

其實依家舖頭，三四年之前都食過一次，印象好模糊，因為當時出品唔算太突出！而且一直好怕食台式牛肉麵，因為總喺覺得幾呃錢吓，一塊薄薄嘅牛輾，又靭又乾，超難食！今次大角咀午後之輕食，再次嚟返依家台灣嘢，雖然主打咩《牛家三兄弟》，但都喺安全啲叫咗碗《蒜香雞扒陽春麵》，飲自家製凍《柚子茶》！《蒜香雞扒陽春麵》真喺幾好食！雞扒煎到外脆內軟，口感十足，頗有雞味蒜香！但好戲總喺後頭，陽春麵湯底非常好味，用上唔少藥材，味道啱啱好，好明顯真喺冇味精，又唔太鹹！而且麵底陽春麵，爽口彈牙，唔會煮得軟淋淋，真喺幾好！自家製《柚子茶》味道真喺有柚子味！可能侍應姐姐見我食得咁知味，熱情推介試吓佢哋個牛輾！好啦好啦，我就叫咗個小食牛輾試吓啦！依個牛輾真喺令我改觀，並非一塊塊嘅牛輾乾，而喺直切一條條嘅牛輾！咁嘅做法，效果完全唔同，爽口彈牙有口感，而個醬汁非常特別，感覺上比牛腩更好食！聽返侍應姐姐講，原來師傅喺師承咩咩台灣名店「永康牛肉麵」，堅持傳統做法！對於從未踏足台灣嘅我，侍應姐姐真喺對牛彈琴，只知士林夜市多美食，但真喺唔識咩「永康牛肉麵」！我認為依間小店真喺好專心做豬牛雞滷水嘅出品，而且種類繁多，真喺應有盡有！不過