刻咖啡 (已結業)

經朋友介紹下同女朋友黎左呢間 Cafe 食晚飯我叫左個西冷牛(5成熟)，而女朋友就點左半隻燒春雞...先講牛，都幾大塊，肉質唔錯春雞有少少驚喜，即使雞胸位置都煮得唔韌~可惜整體味道味道偏濃...配菜方面，個薯蓉整得幾滑，我難得地食晒~~另外，我飲左個正常跟餐的coffee...唔錯，d 奶都幾滑同香~~我女朋友叫左個 espresso double...相當"回味"，真係可以一試，不過飲完之後訓唔著...間鋪的位置都幾唔顯眼，講係cafe的話~~如非朋友介紹，我 8 成都只會見隔離o個間...價錢係紅磡黎講唔平，但食物的質素屬於中上的...同埋，油煙真係好勁好勁﹗