少爺泰 (已結業)

經過見到呢間新開既泰菜人頭湧湧，襯今日齊人緊係黎試下佢啦。呢間餐廳既裝修同環境都好有特色，應該都係新派既泰國菜。一睇個menu，就見到有2版係教人泰文既。等野食既同時可以學下泰文，睇下笑下咁消磨時間。呢碟馬拉盞炒通菜真係好香，一上枱我地記忍唔住搶黎食，食落好夠味又唔會太咸，正呀。呢碗粉超大碗，應該夠4，5個人食啦，佢仲要比左好多唔同既調味粉我地自己落，咁就可以岩哂自己既口味啦。呢個小食拼盤都好出色，份量夠多之餘，每一樣野都唔馬虎。我最鍾意既就係個雞翼，外面炸得脆卜卜，入面雞肉又夠嫩，簡直100分呀。串燒拼算都好值得推介，佢燒既時間岩岩好，唔會太燶而且肉又唔會咬唔爛。調味都整得好出色，點埋佢比既醬汁真係perfect match呀。呢間新派泰菜又平又好味，野食賣相又夠靚，下次一定要叫埋屋企人再黎食呀。