Soul9+ (已結業)

呢間鋪頭位於北角嘅一條巷仔，私隱度極高，所以去幾次都撞到幾個明星喺到食飯。鋪頭門口仲有一張長凳可以比客人食煙，環境都算舒服，不過鋪頭裏面好細，啲櫈同枱嘅距離好近，坐得好迫又好窄。之前朋友生日，去咗嗰度食飯。其實呢間鋪頭都算好多食物可以揀，而佢個Menu有d食物名隔離會有部相機仔即係會佈置得好靚，所以我哋決定，叫嘅所有食物都係有相機仔的。結果嚟到都冇令人失望，啲嘢食真係擺得好靚。其中令我最出乎意料嘅係佢個紫薯南瓜飯，真係好甜好好食，雖然冇其他食物咁靚，但係佢係最好食嗰個值得推介！