夏捌月 (已結業)

一間遠離市中心不起眼的小餐, 早前食過都唔錯, 所以相約朋友再來食飯.今次叫咗德國咸豬手($158)+蟹膏蟹肉大蘑菇意大利飯($108)主食+$20包湯和飲品. 忌廉湯好creamy而且有粒粒帶子肉: 飲完湯先來個蟹膏蟹肉大蘑菇意大利飯, 眼望上去份量唔算多, 不過蟹膏肉都唔少, 先將係蘑菇面的的蟹膏和芝士撈混在share食, 入口都相當滋味每啖都有蟹膏蟹肉, 唔怪得咁多人推介, 真係唔錯, 而且其他西餐呢個飯都少見; 之後再來德國咸豬手, 食完個飯都有小小飽, 好彩呢個菜配蜜糖芥末汁, 豬手肉入口都唔覺膩, 而且外皮好脆, 肉質唔太乾帶咸香, 配菜係炸薯角和甘荀蓉, 出奇地呢個甘荀蓉真係做得好好, 甜甜地仲好有甘荀味, 總結呢餐都有80分以上.呢到的裝修都都唔錯, 唯一唔好就係坐位少d, 如果想試食最好提前訂位。