相馬日式火鍋 (已結業)

原來西環呢間相馬都幾大間，幾好坐，店員服務又好，食兩個鐘真係咩都夠呀！😽湯底我地簡佐一個係黑蒜豚骨鍋(+18)，一個係清湯，黑蒜豚骨鍋好重豬骨味，亦都有淡淡黑蒜味，成個湯底本身已經係奶白色，滿滿骨膠原，加埋黑蒜，更加健康，打邊爐真係一流呀；另外既清湯都唔差呀，清清地但都有啲味，岩晒啲中意清淡既朋友呀！😻肉類肉類有豬牛雞任食，雞都係靚既雞髀肉，好新鮮，顏色鮮嫩，每舊都大大舊，淥完都仲好嫩口，唔會鞋口，吸收晒湯既香味，好食呀！😸丸類呢度既丸都係自助任拎，款式都多，仲要好食，唔係一般既難食，好彈牙，麻糬丸又煙煙韌韌，腸仔果啲都好食，中意食幾多就拎幾多，真係可以慢慢黎呀！呢度仲有其他炸物雪糕飲品都係任食任飲，超抵呀！