幸福週末 (已結業)

食完lunch，最啱買杯台式飲品飲下，同朋友試下呢間幸福週末，舖頭位置好方便，好近希慎。職員有時間都會介紹下佢地啲野，好nice，經過考慮，我同朋友就決定叫一杯no.1既海鹽黑糖珍珠鮮奶同一杯季節水果茶。海鹽黑糖珍珠鮮奶係固定左甜度，冇得改，但水果茶就可以揀半糖。現場可見，用既黑糖珍珠係即時現炒，感覺好新鮮！（臨近新年貼左揮春🤣🤣風格即刻新年左）唔知大家認唔認同搖勻左既黑糖珍珠鮮奶啲色係好治癒😆😆奶味好出，但會明顯感覺到加左既黑糖味，唔會只比奶味搶左，同埋珍珠都好多，完全冇慳料。奶加珍珠感覺好飽肚😝我同朋友都話飲幾啖都覺得再飽左！！呢個水果茶都幾fresh，而且半糖之後唔太甜，剛剛好！飲完仲可以食埋啲生果😝😆下次再經過附近會想試下柚子檸檬果茶😋😋期待！！