稻田食堂

營業中

休息中

今日去朋友屋企打牌前，喺佢屋企附近搵到呢間餐廳，集合咗日本好多個地區嘅便當，睇到都令人回憶起去日本大阪旅行嘅美好時光！叫咗富山便當，附蟹子粟米沙律和再要咗個鱈場蟹棒豬骨拉麵同日式安格斯牛肩胛烏冬。上到朋友屋企一打開已經覺得非常吸引，賣上美觀，而且佢嘅份量都好多。日式安格斯牛肩胛烏冬嘅份量算多，牛肩胛夠遮左半個外賣碗，而且食落非常入味，牛肩胛咬落去嫩滑，唔會鞋口，仲配有粟米粒，溏心蛋同昆布，烏冬彈牙唔會太淋，好食！個鱈場蟹棒豬骨拉麵，豬骨湯底夠濃拉麵彈牙，加埋三大條蟹棒,好有日風味！富山便當包括有吉列炸蝦，味付螺肉同咖哩飯，仲有跟埋蟹籽粟米沙律，價錢先六十幾蚊真係幾抵。而且味道真係非常唔錯，炸蝦又夠嫩，食落去仲係脆口，仲有高質素沙律好新鮮！個便當一個人食非常夠。最後加埋咗個關西風章魚小丸子四件同埋希靈魚壽司兩件。小丸子食落脆口，配埋個和風醬，真係大滿足。朋友真係有口福，有間cp值咁高嘅餐廳係佢附近。