百芳池上便當 (太古城中心)

營業中

休息中

台灣嘅便當即係香港嘅飯盒，但係我好記得嘅係台灣朋友嚟香港嘅時候，食香港嘅飯盒，佢哋會覺得點解大部份都係飯，得咁少餸。而我去到台灣食佢哋嘅便當，就會覺得，好正啊，點解咁多餸嘅。疫情之下，我已經三年冇去過台灣，由之前一年去三次，而家三年都去唔到一次，我真係好掛住台灣嘅美食。唔知道係咪因為材料嘅關係，香港嘅台灣菜，一般都做得唔好。但係當我思鄉病發嘅時候，就會去百芳池上便當一解鄉愁，因為佢係屬於比較貼近真正台灣便當嘅飯餸比例。當然佢嘅用料係好唔同，因為台灣便當一般唔會有粉絲同粟米，多數都係一啲竹筍香腸等等小菜，但係因為佢嘅味道都好好，我仍然都覺得係冇其他更選擇之下，都絕對係一個好選擇。