影片
更多
2010-08-12
260 瀏覽
專程約埋一家人再去幫襯呢間泰國小菜館，前兩日已經訂咗枱，去到人唔多，已經可以入座，由於天氣熱，指明坐室內。餐廳個菜牌選擇唔算好多，由於眼見價錢唔算太貴，份量又唔算太大碟，質素又唔錯，愈食愈高興，五個人，竟然點咗十幾樣嘢食！！泰式生蝦：正！蝦夠爽，個汁夠辣夠搶，好野味！忍唔住再讚多次正！！泰式拼盤(大)：有香枼雞、香茅雞翼、香茅豬扒、蝦餅、蝦春卷等，份量唔算大，水準不過不失，當中蝦餅以最好味，彈牙得嚟外層好鬆脆，讚！泰式冬蔭功湯：點時好猶疑應該叫大定叫細，侍應好細心，話我地5個人叫咗咁多餸，不如要個細，一人一碗多啲啲。果然，份量恰到好處，湯料幾足，有鮮蝦、草菇等，入口微酸微辣，阿媽係咁讚，不過我覺得酸啲同辣啲仲正！柚子沙律：份量都幾大，有好多金柚肉伴住啲蘿蔔絲。金柚好清甜，配個酸酸地的沙律汁，好開胃。海南雞：今次再嚟幫趁，不多不少為咗呢個海南雞，上次食午餐覺得好滑，又有雞味，食過翻尋味！今次點咗半隻，全枱人無一不讚好，肉質真係滑得嚟不見血水 (好多地方做得滑得嚟但骨帶血，最驚！ )，而且真係好有雞味，加上個醬汁帶薑味而香，好快，半隻雞就食哂！泰式無骨豬手：見到牆上貼住啲雜誌極力推介，於是
餐廳個菜牌選擇唔算好多，由於眼見價錢唔算太貴，份量又唔算太大碟，質素又唔錯，愈食愈高興，五個人，竟然點咗十幾樣嘢食！！
泰式生蝦：正！蝦夠爽，個汁夠辣夠搶，好野味！忍唔住再讚多次正！！
泰式拼盤(大)：有香枼雞、香茅雞翼、香茅豬扒、蝦餅、蝦春卷等，份量唔算大，水準不過不失，當中蝦餅以最好味，彈牙得嚟外層好鬆脆，讚！
泰式冬蔭功湯：點時好猶疑應該叫大定叫細，侍應好細心，話我地5個人叫咗咁多餸，不如要個細，一人一碗多啲啲。果然，份量恰到好處，湯料幾足，有鮮蝦、草菇等，入口微酸微辣，阿媽係咁讚，不過我覺得酸啲同辣啲仲正！
柚子沙律：份量都幾大，有好多金柚肉伴住啲蘿蔔絲。金柚好清甜，配個酸酸地的沙律汁，好開胃。
海南雞：今次再嚟幫趁，不多不少為咗呢個海南雞，上次食午餐覺得好滑，又有雞味，食過翻尋味！今次點咗半隻，全枱人無一不讚好，肉質真係滑得嚟不見血水 (好多地方做得滑得嚟但骨帶血，最驚！ )，而且真係好有雞味，加上個醬汁帶薑味而香，好快，半隻雞就食哂！
泰式無骨豬手：見到牆上貼住啲雜誌極力推介，於是點嚟試，果然不負眾望！！與一般泰國豬手的最大分別，是這裡的豬手賣相"靚仔"，切成一片片，像熏蹄。豬手皮很滑，有濃重膠質，口感佳，滷得入味，不需額外蘸汁，已很夠味！極力推介！！
泰北生菜包：捧上嚟已經香噴噴，入口比一般試過的生菜包乾爽，香葉的味較重，如果嫌唔夠辣，侍應教可以夾埋旁邊啲辣椒乾同吃，啲辣椒乾係佢地自家炒製喎！試過，好辣耶！
咖喱牛坑腩：雖然點咗好多嘢，但食泰菜總少不免要試下咖喱，於是點埋呢個咖喱牛坑腩，咖喱算OK，幾清，但可以再惹味啲，但啲牛腩，好腍，軟滑有肉汁，而且一啲都唔黏牙！吃得出係誠意之作！！
蒜茸豬仔包：見有咁多咖喱汁，點個嚟蘸汁吃，豬仔包焗得幾脆，配咖喱，唔錯！
鹽燒鰂魚：食到中段，阿爸見到隔離枱O個條好吸引，都要點番條。侍應細心提醒魚係即燒，要等二十分鐘，由於枱上已有好多嘢食，無問題。魚係在面上加咗海鹽，肚入面加塞咗香茅同香葉同燒，所以上來很香。魚燒得恰到好處，很滑，魚都幾鮮。所以雖然大家都好飽下，但仍然好快咁食哂條魚。
最後點多兩個菜，飛天通菜同埋混醬炒椰菜苗，都炒得好有鍋氣；較特別係後者，混醬味道濃郁惹味，原來係佢地自家調製，唔怪得出邊食唔到啦！
飲飽食醉，阿媽話想食埋甜品先走！！ 好可惜，呢度甜品欠奉 ，如果有埋甜品又多啲海鮮揀擇，就更perfect 喇！
張貼
