必勝客 (已結業)

今日係family day，一家人冇出街，於是叫外賣速遞。用HSBC有優惠套餐，所以就叫咗呢個。佢有五款食品，每款亦提供兩樣任擇其一。我地要咗：拿玻里烤肉腸變心芝脆批意式千層肉醬闊麵蜜汁烤雞全翼香草麵包條蘑菇忌廉雞湯先講個批，特別在芝心部份係用肉腸，唔係芝士，唔鍾意食芝士嘅人都可以食，不過Ｄ腸有Ｄ羶味，唔知係咪用牛肉做嘅呢？個批比較乾，可能醬汁少咗Ｄ啦，Ｄ餡料祇有肉粒\紅椒絲\菠蘿同烤肉條，Ｄ肉條好似火腿，冇乜特別。個闊麵細細個，有薯蓉同茄醬，都OK喇，最好味都係蜜汁雞翼，家人一致認同，麵包條幾香脆，点埋附送嘅蒜蓉茄醬都幾好味，個忌廉湯就杰撻撻，好以糊仔咁，飲到打冷震。不過價錢就真係好抵囉，祇不過183元，凈叫小食都要啦，個批差唔多係送咁，都可以試得過嘅。