味千拉麵 (第一城中心) (已結業)

對味千一向無咩特別感覺，反而叫咗佢個兒童餐又幾有好感。啱啱聖誕帶住兩個小朋友，佢哋食量細特登食聖誕大餐又唔係好抵。行過味千見有兒童餐，仲寫住加錢有泥膠換，小朋友立即好有興趣。入到去叫咗兩個兒童餐，本身得兩款，就各一啦。不過職員話泥膠換曬無貨了，噢，咁就可惜咗點。除咗兒童餐外叫咗一個炒飯，正常質素，不過都幾大碟。個兒童餐就同圖一樣，都幾精美，同埋四十五蚊有個嘢飲字有甜品都算唔錯，其中一個仲有飯又有麵，帶住小朋友嚟食係幾好選擇。