影片
更多
2020-05-07
601 瀏覽
見到佢係🟡 list 就即刻支持啦，但食完後好失望地離開。鋪面裝修：3.5/5 （光猛而簡潔裝修，但坐位無靠背扣分，枱面上仲有油光扣分。）服務態度：1/5 （個1分係比年輕啲嘅一位廚師，有打招呼及簡單介紹下 註：雖然佢忙緊）扣分位係有一個姐姐帶住對洗碗手套過嚟問：「你地要咗2人餐？飲咩啊？揀野飲啦！係啦！一係汽水啦！出返版面先啦（當時我地入咗錢，因為鋪頭跟日本拉麵鋪模式，㩒機買飛）點知佢一㩒就cancel 左張單仲幫我唱咗散紙添😑入100變5張20出嚟，我知價值一樣，但要再入5次，仲要部機唔係太read 到😑😑（你會唔會收一個月人工分5次？明明可以一次過比你）食物質素：1/5 好啦到我地坐低等緊時，隔離對男女傾計我覺得無問題，但問題係佢坐正係師傅面前，不斷講嘢，而師傅又無加塊板擋下，大佬啊！啲野食係我食！我唔想同你對男女有口水接觸啊😑佢嘅擺碟係幾靚嘅，但味道就全部都係黑椒+豉油味（蝦係、牛扒係、魚都係）😑分別在於口感，最後炒飯時，個廚房佬（對唔住，我唔係想踩低你嘅專業，但你唔配叫師傅）佢見無咩人啦，但拉低個口罩炒飯，我見佢無講嘢，已經忍住。但佢條友同隔離個師傅講嘢（佢有擰轉頭講，但最終
鋪面裝修：3.5/5 （光猛而簡潔裝修，但坐位無靠背扣分，枱面上仲有油光扣分。）
服務態度：1/5 （個1分係比年輕啲嘅一位廚師，有打招呼及簡單介紹下 註：雖然佢忙緊）扣分位係有一個姐姐帶住對洗碗手套過嚟問：「你地要咗2人餐？飲咩啊？揀野飲啦！係啦！一係汽水啦！出返版面先啦（當時我地入咗錢，因為鋪頭跟日本拉麵鋪模式，㩒機買飛）點知佢一㩒就cancel 左張單仲幫我唱咗散紙添😑入100變5張20出嚟，我知價值一樣，但要再入5次，仲要部機唔係太read 到😑😑（你會唔會收一個月人工分5次？明明可以一次過比你）
食物質素：1/5 好啦到我地坐低等緊時，隔離對男女傾計我覺得無問題，但問題係佢坐正係師傅面前，不斷講嘢，而師傅又無加塊板擋下，大佬啊！啲野食係我食！我唔想同你對男女有口水接觸啊😑
佢嘅擺碟係幾靚嘅，但味道就全部都係黑椒+豉油味（蝦係、牛扒係、魚都係）😑分別在於口感，最後炒飯時，個廚房佬（對唔住，我唔係想踩低你嘅專業，但你唔配叫師傅）佢見無咩人啦，但拉低個口罩炒飯，我見佢無講嘢，已經忍住。
但佢條友同隔離個師傅講嘢（佢有擰轉頭講，但最終都係失守，望住我哋啲飯講野😱大佬呀！宜家咩時勢啊！）呢一餐真係背脊骨落
佢嘅價錢中規中矩，但問題係衛生問題唔關價錢事，而係個人素質😑
絕對唔會叫人食亦唔會再去。
我成日覺得黃店都要有少少質素先可以比大家支持，唔好自己搞臭自己😩
張貼
