Cafe Fabulous

營業中

休息中

同男朋友拍拖都一段時間，有時候都已經唔知道可以去邊度玩😂所以諗吓諗吓我哋都係諗住去Cafe，可以靜靜地坐下，同埋搵啲嘢玩吓！於是就揀咗去呢一間喺旺角嘅cafe fabulous✌🏻呢間餐廳嘅環境非常舒適，全部都可以坐梳化嘅位置，而且同其他枱嘅分隔都好遠，所以絕對係有自己嘅私人空間！我哋叫咗一份二人餐，有蜜糖芥末雞翼，卡邦尼意粉同埋黑松露雜菌意大利飯！呢幾款食物裏面，我自己好鍾意食黑松露雜菌意大利飯，呢一份黑松露雜菌嘅香味真係非常濃郁！而且呢個意大利飯嘅軟硬度真係啱啱好，而且連埋呢個醬汁一齊食嘅時候，真係好香好滋味！