Sweetology (已結業)

今朝睇早場，買完飛見旁邊有早餐食，諗都無諗就食。。去到竟然無server，有一下以為係唔知邊到買完攞過嚟食。。終於自己坐低自己攞menu，個server 姨姨先出現，全店得佢一個。叫豬柳早餐話無豬柳，問佢可以轉咩，問三次都係話無豬柳🙄，咁我話我想食蘑菇，所以想要呢個餐，無豬柳可唔可以轉腸，佢先話得。老公叫腸加茄汁豆早餐，嚟到時佢果條係珍寶腸，我果個係細條腸，一樣價錢點解條腸會唔同。。算，個菇先奇，一食已知係罐頭菇，西式早餐竟然俾罐頭蘑菇同草菇！！！！係，草菇！！！想點？跟餐嘅所謂沙律菜係裙黑邊的！！眼見另外兩檯叫埋單，叫到忍唔住行出去企係度等，仲要計錯，一千零一個慢到不得了嘅server，仲要錯哂，個個都自己攞嘢算，人都癲！